АСТАНА. ҚазАқпарат - Британдық боксшы Марк Хеффрон (17-0, 13 КО) WBA (Super) нұсқасы бойынша жеңіл салмақтағы чемпион, қазақстандық Жанат Жақияновпен (27-1, 18 КО) жаттығу барысында түскен фотосуреттерімен бөлісті, деп хабарлайды Sports.kz.
Екі боксшы да жаттықтырушы Рикки Хаттонның жетекшілігімен Манчестерге таяу орналасқан залда жаттығып жатыр.
«Бүгін таңертең ауыр жаттығу кезеңі болды. Айқасқа дайындалып жатырмыз. Жанат Жақияновпен кездескеніме қуаныштымын», - деп жазды Хеффрон твиттердегі парақшасында.
21 қазан күні Белфаста (Солтүстік Ирландия) Жақиянов жергілікті боксшы, IBF титулының иегері Райан Барнеттпен (17-0, 9 КО) айқас өткізеді.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.