Жеңіске 80 жыл: Бауыржан Момышұлының алып портреті Рекордтар кітабына енді
АСТАНА. KAZINFORM – «Астана Арена» стадионында 2 736 шаршы метр болатын Бауыржан Момышұлының алып портреті жасалды және «Әлемдегі ең үлкен портрет» ретінде Дүниежүзілік рекордтар кітабына енді.
Фото: видеодан алынған скрин
Бұл іс-шара Жеңістің 80 жылдығына және Кеңес Одағының батыры Бауыржан Момышұлының 115 жылдығына орай ұйымдастырылды.
Фото: видеодан алынған скрин
Оған Астананың шығармашылық ұжымдары, педагогтер мен оқушылар қатысып, биіктігі 70 метр, ені 32 метр болатын портретті фотомозайка форматында құрастырып шықты. Әрбір пиксельдің өлшемі 1 шаршы метрді құраған.
Фото: Астана әкімдігінің Мәдениет басқармасыФото: Астана әкімдігінің Мәдениет басқармасыФото: Астана әкімдігінің Мәдениет басқармасы
Жобаны ұйымдастырған елордалық мәдениет басқармасының хабарлауынша, бұл – әлемдік рекорд тіркеу тарихында болмаған ең үлкен портрет. Оны дайындауға 700 келі ақ бояу және 320 келі қара бояу қажет болған.
Іс-шараға арнайы Қытай және Үндістан мемлекетінен өкілдер шақырылды. Рекорд тіркелгенен кейін ұйымдастырушыларға сертификат пен медаль берілді.
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.