Оның айтуынша, қазір платформа арқылы 22 мемлекеттік қызмет толық автоматтандырылып, қолжетімді болып отыр.
— Электронды аукциондар мен қол қою бонусын онлайн төлеу тетігінің іске қосылуы бизнес үшін артық келісу рәсімдерін азайтты. Соның нәтижесінде қағаз құжат айналымы қысқарып, қызмет алу үдерісі жеңілдеді. Бүгінге дейін 729 лицензия қашықтан, адам қатысуынсыз берілді, — деді вице-министр.
Сонымен қатар цифрландыру есеп беру саласын да қамтыған. Өткен жылдың қорытындысы бойынша жер қойнауын пайдаланушылар таратылу міндеттемелеріне қатысты есептердің 89%-ын электронды түрде тапсырған.
Айта кетейік, Қазақстанда жасанды интеллект пен цифрландыруға 177 млрд теңге бөлінді.