19:17, 13 Тамыз 2025

Жеті ел Трампты Нобель сыйлығына ұсынуды қолдады

АСТАНА.KAZINFORM — Ақ үй АҚШ президенті Дональд Трамптың Бейбітшілік саласындағы Нобель сыйлығына кандидатурасын қолдаған елдердің тізімін жариялады, деп хабарлайды Kazinform тілшісі.

Фото: GLOBAL LOOK PRESS

Ақ үйдің X әлеуметтік желісіндегі жазбасына сәйкес, Трамптың кандидатурасын Армения премьер-министрі Никол Пашинян, Әзербайжан президенті Ильхам Әлиев, Камбоджа премьер-министрі Хун Сен, Габон президенті Брис Оли Нгуема, Израиль премьер-министрі Биньямин Нетаньяху, Пәкістан үкіметі және Руанда сыртқы істер министрі Оливье Ндухунгирехе қолдады.

Айта кетейік, 2024 жылғы Нобель бейбітшілік сыйлығы ядролық қарусыз әлемді жақтаған жапондық Nihon Hidankyo ұйымына берілді.

АҚШ Дональд Трамп Нобель сыйлығы Әлем жаңалықтары
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)