Жеті қалада жайсыз метеожағдай қалыптасады – Қазгидромет
07:35, 17 Қаңтар 2024
АСТАНА. KAZINFORM - Бүгін, 17 қаңтарда еліміздің басым бөлігінде қолайлы метеорологиялық жағдай қалыптасады.
Қазгидромет синоптиктерінің болжамы бойынша, Астана, Қарағанды, Теміртау, Павлодар, Өскемен, Семей, Риддер қалаларында ауа сапасы біршама нашарлайды.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.