Жетімдер үйлерінде 76 млн теңгенің заң бұзушылықтары анықталды
«Ең жиі жасалған бұзушылықтар қатарында қызметкерлерге жалақыны заңсыз есептеу және оларды бухгалтерлердің иеленуі, тауарлар мен азық-түлікті жоғары бағамен сатып алу, сеніп тапсырылған мүлікті ысырап ету сияқты деректер болды.
Мысалы, мекемелердің бірінде зағиптарға арналған бағдарламалық қамтамасыз етуі бар ноутбуктерді сатып алу кезінде бюджетке келтірілген шығын 17 млн теңгеден асты.
Аумақтар мен ғимараттарды абаттандыруға және ағымдағы жөндеуіне арналған бюджет қаражатын ұрлау деректері де орын алды. Мәселен, жетім балалар мен ата-ана қамқорлығынсыз қалған балаларға арналған бір арнайы мектеп-интернатта 3 млн теңге жымқырылған. Қаражат асхана шатырын жөндеуге бөлінген.
Қазіргі уақытта барлық бұзушылықтар бойынша тергеу шаралары жүргізілуде», - делінген ҚР Қаржылық мониторинг агенттігінің хабарламасында.
Мәлім етілгендей, барлық анықталған факті Экономикалық тергеу қызметіне жеткізілді.