НҰР-СҰЛТАН. ҚазАқпарат - Жетісай қаласы әкімінің орынбасары сотталды. Бұл туралы онлайн брифинг барысында ҚР Сыбайлас жемқорлыққа қарсы іс-қимыл агенттігі 1-ші департаменті басшысының орынбасары Данияр Ақуан айтты, деп хабарлайды ҚазАқпарат тілшісі.
«2020 жылғы 29 сәуірде Жетісай аудандық сотының үкімімен Түркістан облысының Жетісай қаласы әкімінің орынбасары Қ. Смайыловқа мемлекеттік қызметте лауазым атқару құқығынан өмір бойы айыру және 7 млн теңге көлемінде айыппұл салу жазасы тағайындалды», - деді ол.
Данияр Ақуановтың айтуынша, ол алдау және сенімге қиянат жасау арқылы Жетісай қаласында шағын және орта бизнесті дамыту үшін жер телімін беруде 500 мың теңге сомасында ақша қаражатын ұрлаған.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.