ТҮРКІСТАН. ҚазАқпарат - Шымкент қаласының тұрғыны Жетісайға барып, қайыршылықпен айналысқан. Жалған мүгедек болып, арбаға отырған оны тәртіп сақшылары жауапқа тартты, деп хабарлайды ҚазАқпарат тілшісі.
Жетісай аудандық полиция бөлімінің учаскелік полиция инспекторлары қайыршылықпен айналысуды әдет еткен 3 тұрғынды анықтап, оларға ҚР ӘҚБтК-нің 449-бабымен «Қоғамдық орындарда тиісу» негізінде хаттама толтырды. Аталған құқық бұзушы 3 ер адамның екеуі жергілікті, біреуі Шымкент қаласының тұрғыны болып шықты.
«Олар орталық базарда қайыршылық жасаған. Бұдан бұрын ескерту де берілген. Сонымен қатар, жұртқа алақан жайып, қайыр сұрап отырған шымкенттік ер адамның мүгедектер арбасында отырғаны жай көзбояушылық екені белгілі болды. Яғни, тексеру кезінде оның өз аяғымен жүре алатыны анықталды» - дейді полиция майоры Еламан Абишев.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.