АСТАНА. ҚазАқпарат - Бүгін футболдан премьер-лига командалары арасындағы ел біріншілігінің 16-турындағы алғашқы кездесудің нәтижесі белгілі болды, деп хабарлайды ҚазАқпарат тілшісі.
Аталған турдағы алғашқы ойында «Жетісу» (Талдықорған) мен «Ақсу» (Павлодар облысы) командалары кездесті.
Турнир кестесінде талдықорғандық клуб орта тұсында келеді. Есесіне павлодарлық команда көш соңында тұр. Сондықтан бүгінгі кездесуде екеуіне де ұпай қажет еді.
Командалар 1:1 есебіне қанағат білдірді.
Дәл қазір елордада «Астана» мен «Атырау» кездесуі өтіп жатыр.
Енді 20:00-де «Ақтөбе» мен «Қайсар» (Қызылорда), 21:00-де «Ордабасы» (Шымкент) мен «Қызылжар» (Петропавл) шеберлік байқасады.
Ал 23 шілдеде 18:00-де «Шахтер» (Қарағанды) мен «Каспий» (Ақтау), 19:00-де «Қайрат» (Алматы) пен «Мақтарал» (Түркістан) ойнайды.
Бұл турды 21:00-де «Тобыл» (Қостанай) мен «Оқжетпес» (Көкшетау) командалары түйіндейді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.