«Бейбіт миссия-2018» антитеррористік командалық-штабтық жаттығуына Қазақстан Республикасы Қарулы Күштерінің Десантты-шабуылдаушы әскерінің 200-ден астам қызметкері және 60-қа жуық техника қатысады. Биылғы оқу-жаттығу Ресей Федерациясының Челябі облысы, Шұбаркөл полигонында 22-29 тамыз аралығында өтеді деп күтілуде.
Бұл жаттығудың негізгі мақсаты - Шанхай ынтымақтастық ұйымына мүше елдердің антитеррористік операцияларын бірлесіп өткізіп, ондағы мәселелерді бірігіп шешу және әскерилердің дайындығын пысықтау. «Бейбіт миссияға» жалпы 3 мыңнан астам әскери мен 500 әскери техника топтастырылмақ.
Оқу-жаттығу барысында қатысушы елдердің бірін немесе бір бөлігін террористер басып алған жағдайдағы әрекеттер пысықталады. Талдықорғандық жауынгерлердің міндеті - артиллериялық, зениттік қару және барлаушы-шабуылдаушы топтың күшімен террористердің көзін жою. «Жетісу» полигонында әскерилер арнайы техниканы сынақтан өткізіп, нысана көздеу, бірдей қимылдау әрекеттерін қайталады.
Жалпы мұндай ауқымды жаттығулар 2010 жылдан бері жүйелі түрде өткізіліп келеді.