АСТАНА. KAZINFORM – ауа райының қолайсыздығына байланысты Жетісу облысында көліктің барлық түрлері үшін жол қозғалысына шектеу енгізілді. Бұл туралы KazAvtoJol жазды.
Жетісу облысының «Үшарал-Достық» республикалық маңызы бар автожолының 84-184 км, Көктұма станциясынан-Достық станциясына дейінгі аралықта көліктің барлық түрлері үшін жол қозғалысына шектеу енгізілді.
Ағымдағы сағатта республикалық маңызы бар автожолдарды қысқы күтіп-ұстауға 706 бірлік техника және 1412 жолшы жұмылдырылды.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)