Жетісу облысында жүк көліктері соқтығысып, 16 көлік жанып кетті
ТАЛДЫҚОРҒАН. KAZINFORM – Жетісу облыстық полиция департаментінің хабарлауынша, бүгін 23 тамызда сағат 18:15 шамасында «Батыс Еуропа - Батыс Қытай» автожолының 278 -шақырымында жол-көлік оқиғасы болды.
Екі жүк көлігі соғылып, 16 көлік өртеніп кетті. Оның 14-і жүк көліктеріне тиелген жеңіл автокөліктер болған.
«Бірінші автокөліктің жүргізушісі аман, екінші автокөлік жүргізушісінің тағдыры белгісіз. Төтенше жағдайлар департаменті қызметкерлері өрт сөндіріп жатыр. Оқиға себебі анықталып жатыр», - дейді Жетісу облыстық ПД ЖПҚБ бастығы Қайсар Мухметов.
Облыстық полиция департаментінің мәліметінше, бұл соңғы үш күнде адам өлімімен аяқталған 4-жол көлік оқиғасы.
Бұған дейін Жетісу облысында медициналық ұйымдарға 29 жаңа көлік берілгенін жазған болатынбыз.