«Қызылорда-Қарағанды» жолын қайта салу бойынша биыл Жезқазған мен Қызылорда арасындағы учаскесіндегі жобаны іске асыруды бастауға қаржы қарастырылған болатын. Алайда 2016 жылы жол бюджеті шектеулі болғандықтан, жаңа жобаларға қаржы бағыттау орынсыз болды», - деді ол.
Осы орайда ол бөлінген қаржыны басталған «Астана-Теміртау», «Астана-Павлодар» және «Алматы-Қапшағай» жобаларын аяқтауға қайта бағыттау туралы шешім қабылданғанын атап өтті.
«Қазіргі кезде аталған жолдың (Жезқазған-Қызылорда) реконструкциясына займ тарту мәселесі қарастырылуда. Жобаны жүзеге асыру 2017 жылы болады деп күтілуде. Бұл жолдың ұзындығы 925 шақырым, ал жобадағы құрылыс жұмыстарының құны шамамен 270 млрд. теңге болмақ»,-деді А. Беков.