«Биылғы жылы Қаныш Сәтбаев көшесі мен Бейбітшілік даңғылын жөндейміз. Ол үшін облыстық бюджеттен 700 миллион теңге бөлінді. Сонымен қатар Ғазиз Омаров көшесін жөндеуді жоспарлап отырмыз, ол жұмыстарға жергілікті бюджеттен 73 миллион теңге қарастырылды», - деді Батырлан Ахметов.
Әкімнің айтуынша, жергілікті бюджет есебінен Жезқазғанда 16-шы ықшам аудандағы аула жолдары да жөнделеді. Қаладағы басқа да ұсақ жол жөндеу жұмыстары жалғасады.