АСТАНА. ҚазАқпарат – Қазақстандық Жібек Құламбаева жұптық сында Прага (Чехия) ITF турнирінің жеңімпазы атанды, деп хабарлайды ҚазАқпарат тілшісі.
Қазақстандық теннисші Польша өкілі Мартина Кубкамен бірге финалда жарыстың 1-ракеткалары, италиялықтар Ангелика Морателли - Камилла Розателломен бас жүлдені сарапқа салды.
Бірінші партияда таразы басы алма-кезек ауып, тай-брейкте Құламбаева мен Кубка ептілік танытты – 7:6 (7:3).
Екінші сетте брейк жасаған қазақ пен поляк қызы сол басымдылықты берген жоқ – 6:4.
Тартысты өткен матч 1 сағат 45 минутқа созылды.
Жібек Құламбаева бұдан бұрын белоруссиялық Юлия Готовкомен бірге Римде дәл осындай додада чемпион атанған еді. Міне, енді сол табысын қайталап отыр.
Еске сала кетейік, бұдан бұрын Жібек Құламбаеваның Прага турнирінің финалына шыққанын жазған болатынбыз.
АҚШ ашық чемпионатында Андрей Голубев пен Анна Данилина үшінші айналымға өте алмады.
Елена Рыбакина US Open үшінші айналымында жеңіліп қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).