ОРАЛ. Қыркүйектің 7-сі. ҚазАқпарат /Ғайсағали Ералы/ - Қыркүйектің 7-сінде Орал қаласында «Дакар» сериясы бойынша «Жібек жолы-2009» халықаралық автораллиінің екінші кезеңі мәреге жетті,
деп хабарлайды ҚазАқпарат тілшісі.
Қыркүйектің 5-інде Қазан қаласында басталған авторалли Ресей, Қазақстан және Түрікменстан жерлерімен жүріп өтіп, қыркүйектің 13-інде Ашғабадта қорытындыланбақшы.
Автожорыққа әлемнің 25 елінен командалар, соның ішінде 51 жеңіл, 20 жүк көліктері қатысуда. Қазақстаннан да 10 экипаж бар.
Сапаржолдың жалпы ұзындығы - 4500 шақырым, оған қатысушылар аса қиын жерлермен, соның ішінде Қарақұм шөлімен жүріп өтеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).