Жыл басынан бері 79 қазақстандық бүйрегін алмастырған

АСТАНА. KAZINFORM – Денсаулық сақтау министрінің бірінші орынбасары Тимур Сұлтанғазиев Мәжіліс депутатының сауалына берген жауабында жыл басынан бері ел аумағында 141 ағза алмастыру отасы жасалғанын мәлім етті.

Айта кету керек, депутаттық сауал бүйректі ауыр сырқатына қарсы ем шараларының тиімділігін жүйелі стратегиялық қадамдармен жетілдіру, бүйрек жеткіліксіздігіне әкелетін факторлардың алдын алу мәселелері қамтылған.

- Жыл басынан бері 141 ағза трансплантациясы жүргізілді, оның ішінде 79 – бүйрек. Маусым айындағы жағдай бойынша қайтыс болған донордан 24 трансплантация жасалды, оның ішінде 11 – бүйрек, - деп жазады бірінші вице-министр.

Оның мәліметі бойынша, былтыр «бүйрек функциясының жеткіліксіздігі» N17-19 диагнозының 5619 жағдайы жаңадан тіркелген.

- Заңнама арқылы реттеу үшін 2025 жылғы 1 қаңтардан бастап 21 жасқа дейінгі азаматтарға энергетикалық сусындарды сатуға тыйым салынды. Сондай-ақ сау адамдардың ағзасында қант диабетінің дамуын болдырмау үшін құрамында қант бар сусындарға салық салу мәселесі пысықталып жатыр, - деп жазады Тимур Сұлтанғазиев.

Еске салсақ, сәуір айында елімізде алғаш рет үштік айқас бүйрек трансплантациясы жасалған еді.