Жыл басынан бері KASE индексі 1,4 пайызға өсті

АЛМАТЫ. KAZINFORM — Жыл басынан бері KASE индексінің мәні 5 658,74 тармаққа дейін 1,4%-ға көтерілді. 

Қазақстан қор биржасынан атап өткендей, 2025 жылдың бірінші тоқсанында қайталама нарықта индекстік акциялармен жасалған мәміле көлемі 59,7 млрд теңге болды. Бұл өткен жылдың сәйкес кезеңіндегі көрсеткіштен 17,1 млрд теңгеге көп. 

Ең жақсы қарқынды қаржы және телекоммуникация секторларының индекстік компанияларының акциялары көрсетті. 

2025 жылдың бірінші тоқсанының қорытындысы бойынша «Банк ЦентрКредит» АҚ-тың қарапайым акциялары ең жоғары өсімге жетті. Олардың бағасы 24,2%-ға артты. 

Өсу қарқыны бойынша екінші орында қаржы секторының басқа өкілі – «Қазақстан Халық Банкі» АҚ тың қарапайым акциялары тұр, олар 18,0%-ға өсті.  

«Қазақтелеком» АҚ көшбасшыларының үштігін жабады, оның қарапайым акциялары бірінші тоқсанда 6,7% болды. 

KASE-де 2025 жылдың бірінші тоқсанында жасалған сауда-саттық көлемі 83,5 трлн теңгеге жетті. 2024 жылдың сәйкес кезеңіндегі осындай көрсеткішпен салыстырғанда 10,1%-ға немесе 9,4 трлн теңгеге төмендеді. 

2025 жылдың 1 сәуірдегі жағдай бойынша KASE сауда-саттық тізімінде 262 эмитенттің 772 атаудағы мемлекеттік емес бағалы қағаздары болды.

Еске салайық, былтыр KASE индексі 33,2 пайызға өскен болатын.