Жоғары аудиторлық палатаның мүшесі тағайындалды
10:22, 12 Наурыз 2025
АСТАНА. KAZINFORM — Бүгін Парламент Мәжілісінің жалпы отырысында Рахымжан Мырзаханұлы Ділдаев Жоғары аудиторлық палатаның мүшесі қызметіне тағайындалды.
- Қазақстан Республикасы Конституциясының 57-бабына сәйкес, Парламенттің әр палатасы ҚР Жоғары аудиторлық палатаның үш мүшесін 5 жыл мерзімге қызметке тағайындайды. Осыған орай Конституцияның 58-бабы негізінде Жоғары аудиторлық палатаның мүшесі қызметіне Рахымжан Ділдаевтің кандидатурасын ұсынып отырмын, - деді Мәжіліс төрағасы Ерлан Қошанов.
Дауыс беру барысында палата депутаттары аталған кандидатураны қолдады.
Еске салсақ, жақында Парламент Сенатының жалпы отырысында Жоғары аудиторлық палатаның мүшесі қызметіне Амангелді Исенов тағайындалды.