АСТАНА. KAZINFORM – ТЖМ «Қазавиақұтқару» ұшқыштары санитарлық авиация дәрігерлерімен бірлесіп, 2023 және 2016 жылы туған екі баланы Атбасар қаласынан Көкшетау қаласындағы медициналық мекемеге шұғыл жеткізді.
Ұшу Атбасар ауданында болған жол-көлік оқиғасынан кейін жүзеге асырылды.
- Ұшқыштар мен дәрігерлердің үйлесімді әрекеттерінің арқасында науқастар межелі жерге жедел әрі қауіпсіз жеткізілді, - деп жазды ведомстводан.
Дерекке қарағанда, ТЖМ тікұшақтары қашықтағы елді мекендер жағдайында да шұғыл медициналық көмек көрсетуге әрдайым дайын.
Айта кетейік, бұған дейін күйік шалған бала тікұшақпен Көкшетауға жеткізілді.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.