Комитет төрағасының сөзінше,18-25 қазан аралығында жүргізілген «Қауіпсіз жол» жедел-сауықтыру шарасының барысында осы мәселеге баса назар аударылған. Жүйелі жүргізілген жұмыстың нәтижесінде 4 мың 941 жолда жүру ережесін бұзу әрекеті анықталды. Оның 1 мың 762-і мемлекет меншігіндегі жеңіл көліктердің иелерінің үлесінде. «Ең сорақысы елімізде қоғамдық көлікті мас күйінде жүргізген 25 адам ұсталды. Ал жолаушыларды тасымалдау ережелерін бұзғандар - 852. Қоғамдық көлікті заңсыз түрде жабдықтау - 368. Сондай-ақ тәртіп сақшыларының құрығына ілінген 1 мың 341 көліктен ақау табылды. 565 автобустың жүруіне тыйым салынып, көлік қызметімен айналысатын ұйым-мекемелердің 276 өкілі әкімшілік жауапқа тартылды», - деді комитет төрағасы.
Оның айтуынша, жыл бойына жол ережесін бірнеше мәрте бұзғаны үшін 615 жүргізуші және 106 автобус жүргізушілерінің жолда жүру ережесін білу деңгейлері тексерілді.