ОРАЛ. ҚазАқпарат - Бөрлі аудандық соты талапкер Т-ның материалдық шығынның орнын толтыру туралы талап арызын қанағаттандырды, деп хабарлайды «ҚазАқпарат» тілшісі.
БҚО сотының баспасөз қызметінен түскен мәліметке қарағанда, жауапкер К. өткен жылдың 5 тамызында сағат 20.04 шамасында көлік құралын басқару құқығы болмаса да, автокөлік руліне отырған. Ақсай қаласы 10-шағынауданындағы №8 үй жанында «ВАЗ-21140» автокөлігін артқа қарай шегіндіремін дегенде, «Toyota Land Cruiser 200» көлігімен соқтығысуына жол берген. Соның салдарынан аталмыш көлік иесіне 484483 теңге материалдық шығын келтірген.
Сот қаулысымен жауапкер ҚР Әкімшілік құқықбұзушылық кодексі 610-бабы 3-бөлігі бойынша айыпты деп танылып, оған 484483 теңге көлемінде айыппұл салынды.
Сот шешімі заңды күшіне енген жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).