ОРАЛ. Қыркүйектің 18-і. ҚазАқпарат /Елжан Ералы/ - БҚО-ның Ақжайық ауданы Сайқұдық ауылында ақиық ақын Жұбан Молдағалиевтің 90 жылдығына орай тәу-тұғыр орнатылып, клуб ғимараты қайта ашылды.
Ақын мерейтойына арналған шаралар оның туған жерінде жыл бойы жалғасып келеді. Осыған дейін ауыл кітапханасы күрделі жөнделсе, енді, міне, клуб қайта түледі. Бұған «Жол картасы» бағдарламасына сәйкес облыстық бюджеттен 48,56 млн. теңге қаралып, 55 адам жергілікті жерден тартылды. Ал тәу-тұғыр Жұбан елі азаматтарының демеушілігімен бой түзеді. Шаңырақ іспеттес тәу-тұғырдың маңдайшасында атақты «Мен қазақпын» дастанынан үзінді жазылған.
Жұбан тойы өңірде одан әрі жалғасуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).