деп хабарлайды ҚазАқпарат.
"Бірқатар аудан орталықтарында полигондар толып кеткен. Ұйымдастырылмаған тұрмыстық қалдықтар ауыл шаруашылығы жерлеріне шығарылған. Ол жерде қалдықтар шіріп немесе өртеліп қоршаған ортаға зиян келтіруде. Сонымен қатар сулармен шайылып қоршаған ортаға таралып жер асты сулары мен су қоймаларын, атмосфералық ауаны ластап, табиғатқа, адам денсаулығына зиян келтіруде", дейді Алматы облыстық табиғи ресурстар мен табиғат пайдалануды реттеу басқармасы бастығының міндетін атқарушы Қыдыргелді Байболов. Оның айтуынша, 2005-2009 жылдары облыс бюджетінен 649,6 миллион теңге бөлініп, 3 қала, 5 кент, 2 ауылда қатты тұрмыстық қалдықтарды сақтауға арналған полигондар салынды. Табиғат қорғау бағдарламасына бюджеттен 2005 жылы 142 миллион теңге бөлінсе, 2009 жылы ол 479 миллион теңгеге жетті. Бұл қоршаған ортаны ластағаны үшін төленетін түсімнің 70-80 пайызын құрайды. Биыл табиғатты қорғау шараларына 224,7 миллион теңге бөлініп отыр.