Бұл туралы бүгін Үкімет отырысында Еңбек және халықты әлеуметтік қорғау министрі Тамара Дүйсенова мәлім етті.
«Бағдарламаның негізгі нәтижесі барлық үш бағыт бойынша 241 мыңнан астам адамды жұмыспен қамту болып табылады, оның ішінде 132 мыңы тұрақты жұмыс орындарына бағытталды»,-деді Т. Дүйсенова.
Оның сөзіне қарағанда, аталмыш бағдарлама жұмыспен қамту өсіміне оңды ықпал етті. 2011 жылға дейін жалдамалы жұмысшылар санының орташа жылдық өсуі 170 мың адамды құраса, 2012 жылы ол 232 мың адамға жетті.