Жұмыспен қамту бағдарламасы бойынша 4,7 мың адам шағын несие алды
деп хабарлайды ҚР Премьер-Министрінің ресми сайты Еңбек және халықты әлеуметтік қорғау министрлігінің баспасөз қызметіне сілтеме жасап.
«Әкімдіктердің мәліметтері бойынша, шағын несие алушылыр саны 4 702 адамды құраған, оның ішінде 3 487 адам өз жеке ісін ашқан», - делінген ведомство хабарламасында.
Бағдарлама қатысушыларын несиелендіруге бөлінген қаржының 9 528,1 млн теңгесі игерілген. Шағын несиенің орташа көлемі 2 009 мың теңге шамасында, түбегейлі займ алушылар үшін сыйақының ең жоғары мөлшері Ақмола және Батыс Қазақстан облыстарында 5, Қызылорда облысында 8 пайызы көлеміндегі деңгейде. Шағын несиелендіруге бөлінген қаржы сомасы 12149 млн теңгені құрайды. Осының арқасында, бағдарламаға қатысушы 8 151 адам шағын несие ала алады.
Халықты жұмыспен қамту ҚР Үкіметінің ең маңызды басым бағыттарының бірі болып табылады. Елбасы 2012 жылғы Жолдауында кең көлемді «Жұмыспен қамту-2020» бағдарламасын іске асыруды қолға алуды тапсырған болатын.