Агенттік төрағасының хабарлауынша, бүгінде жұмыссыздық деңгейі экономикалық белсенді халық санына шаққанда, 5,3 % құрап отыр. «Жұмыспен қамту органдарында жұмыссыздар ретінде тіркелген азаматтардың саны қыркүйекте 78,7 мың адамды құрады. Жасырын жұмыссыздықтың көлемі 0,3 пайызға тең болды», - дейді Ә.Смаилов.
Айта кетейік, Қазақстандағы жұмыссыздық деңгейі 5,5 пайыздан аспауы тиіс. Ал Елбасы Нұрсұлтан Назарбаевтың тапсырмасына орай, 2020 жылға дейін бұл көрсеткішті 5 пайызға дейін төмендету - міндет.