Журналистерге арналған пресс-тур аудандарда жалғасты - Қызылорда

ҚЫЗЫЛОРДА. Маусымның 15-і. ҚазАқпарат (Руслан Игілік) - Кеше Қызылорда облыстық ішкі саясат басқармасының журналистерге арнап ұйымдастырған пресс-туры аудандарда жалғасын тапты.

Индустриялық жобалардың жүзе­ге асу барысымен танысқан бұқара­лық ақпарат құралдары өкілдері алдымен Қазалы ауданындағы «Рза» АҚ-ның тауарлы-сүт фермасына аял­дады. Бүгінде фермада 660 бас асыл тұқымды малды өсіруге әзірлік жұмыстары қызу жүргізілуде. Бұл жобадан қазалылықтар үлкен үміт күтіп отыр. Атакәсіптің көкжиегін кеңейтуде көп тәжірибе жинақтаған серіктестіктің іскерлік сипаттағы қа­рымды қадамы көпшілікті қуантуда. Мал тұқымын асылдандыру, мал өнімдерін өңдеу бағыттарында ба­йып­ты жұмыстар тындырған кәсіп­орын өнімдері тек өзіміздің аймақта ғана емес, еліміздің азық-түлік нары­ғында да сұранысқа ие болары сөзсіз.

Одан әрі журналистер Қармақшы ауданындағы «БИС» ЖШС-нің теміржол цистерналарын жуу стансасына ат басын бұрды. Кіші сыйымдылық­тағы құрылғы мұнай қалдықтарын тазалауды жүзеге асырады. Маман­дар журналистерді құрылғының жұ­мысымен егжей-тегжейлі таныстыр­ды.