ҚР Ұлттық олимпиада комитеті таратқан мәліметтерге сүйенсек, отандастарымыз Түркияның Белек қаласында орналасқан «Gloria Sport Arena» спорт орталығында жаттығуды бастап кеткен. Олардың қатарында Рио-де Жанейро Олимпиадасының чемпионы Дмитрий Баландин де бар. Сонымен қатар оқу-жаттығу жиынына ерлерден Әділ Қасқабай, Әділбек Мусин, Айбек Қамзенов, Александр Шатских шақыртылса, әйелдерден Диана Назарова мен Анастасия Резванцева қатысып жатыр.
Айта кетейік, қазақстандық жүзушілер үшін биылғы маусымдағы ең басты жарыс - Азия ойындары мен жастар арасындағы Олимпиада ойындары.