Оның айтуынша, 180 қылмыстық істің 65-і - есірткі бизнесіне қатысты қозғалған.
«Осы кезеңде 1 есірткі притоны анықталып, оның жолы кесілді сондай-ақ, есірткі жеткізілетін 2 арна мен 23 есірткі нүктесі жойылды. Заңсыз айналымнан 114 келіге жуық есірткі заттары алынды, оның 7 келісі - героин. Қала аумағында ҚР Әкімшілік құқықбұзушылық туралы кодекстің 320-шы бабына сәйкес 120 адам жауапкершілікке тартылды. Ал заңнаманың күшейтілуіне байланысты 2010 жылғы шілденің 1-інен бастап, Астана қаласының әкімшілік сотының шешімімен осы бап бойынша 34 адам қамауға алынды, 35-іне жалпы сомасы 419 мың 661 теңгеге айыппұл салынды», - деп атап өтті ол.
Сондай-ақ О.Әбдікәрімовтың айтуынша, жыл басынан қала маңындағы 6 бекетте қадағалаудың күшейтілуі арқасында есірткіні қала ішіне алып өтуге қатысты 75 әрекеттің жолы кесілген. 10 адам қылмыстық жауапқа, 65-і әкімшілік жуапкершілікке тартылды. Айналымнан 55 келіден астам есірткі заты алынды (2009 жылдың сәйкес кезеңінде 52 келі).