«2013 жылдың алғашқы 3 айында Астанада 4893 сәби дүние есігін ашты»,- делінген хабарламада.
Статистикалық мәліметтерге қарағанда, бас қалада жаңа туғандар саны өткен жылдың осы кезеңімен салыстырғанда өскендігі байқалады. Айталық, 2012 жылдың І тоқсанында 4203 бөбек туған.
Бұған дейін astana.kz сайтында хабарланғандай, 2012 жылы елордада 21 мың 266 бала туды. Орта есеппен өткен жылдың әр айында 1 мың 772 сәби, тәулігіне - 59-ға тарта сәби жарық дүниеге келген.
Сонымен қатар, ақпаратқа сәйкес, 2013 жылдың басында әйелдер барлық қала тұрғынының 51,3%-ын құрады. Олардың 64,5-ы - бала туу жасындағы әйел.
Бұдан басқа өткен жылы Астанада ана өлімі 100 мың жаңа босанғандарға шаққанда 20,9-дан 4,7-ге дейін төмендегенін айтқан ләзім. Осыған орай сәбилердің шетінеуі де азайып, 2011 жылға қарағанда 1 мың тірі туған балаға шаққанда 10,5 болды.