АСТАНА. ҚазАқпарат - 2014 жылғы 3 қазандағы жағдай бойынша 14 434 жол-көлік оқиғасы тіркелді. Ал өткен жылдың сәйкес мерзімінде жолдарда 16 920 оқиға тіркелген болатын.
«Тіркелген жол-көлік оқиғалары 14,7 пайызға төмендеген. Аталған келеңсіз жағдайларда 20 190 адам зардап шекті, оның ішінде 3 645-і кәмелетке толмағандар»,-делінген Бас прокуратураның Құқықтық статистика және арнайы есепке алу жөніндегі комитетінің баспасөз қызметі таратқан мәліметте.
ЖКО салдарынан 1 822 (өткен жылы - 2 178) адам қаза тапты және 18 368 (былтыр -21 829) адам жарақат алды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.