ҚР Ұлттық экономика министрлігі Статистика комитетінің дерегіне сәйкес, есепті кезеңде өңделмеген және жартылай өңделген немесе ұнтақ түріндегі күміс өндірісінің көлемі 400 235 кг-ға жетті. Бұл өткен жылмен салыстырғанда 2,5% аз көрсеткіш.
Өңделмеген алюминий, алюминий тотығы өндірісінің көлемі 2018 жылдың осы кезеңімен салыстырғанда 8% төмендеп, 676 942 тонна болды. Ал өңделмеген тазартылған қорғасын өндірісі 12,4% пайызға азайып, 56 031 тоннаны, өңделмеген мырыш өндірісі 0,9% пайызға кеміп, 136 507 тоннаны құрады. Өңделмеген тазартылған, қоспасыз мыс өндіру көлемі 11,2% пайызға өсіп, 188 185 тоннаға жетті.