деп хабарлайды ҚазАқпарат.
Көшпелі жиынға қатысуышлар Н.Тілендиев даңғылының оңтүстік беткейінде 2008-2010 жылдарға арналған Мемлекеттік тұрғын үй бағдарламасы бойынша бой көтеріп жатқан 20-ға жуық (5 мың 612 пәтерлі) көпқабатты тұрғын үйдің және алданған үлескерлері бар проблемалы тұрғын үй кешендерінің, барлығы 6 нысанның құрылыс барысымен танысты.
Әкімнің атап көрсеткеніндей, құрылыс саласында дағдарыс басталған уақытта елордада 37 мың үлескердің қатысуымен 266 тұрғын үй кешенінің құрылысы басталған болатын. Ал 2009 жылғы қаңтардың 1-іне дейін олардың саны 128-ге азайды. «Елбасының үстіміздегі жылдың соңына дейін 100-ге жуық тұрғын үйдің құрылысын аяқтау тапсырмасына сәйкес, 128 нысанның 95-ін жыл соңына дейін аяқтау көзделіп отыр. Оның 28-і бүгінде пайдалануға берілді», - деді ол.
Сондай-ақ И.Тасмағамбетов Мемлекеттік бағдарлама бойынша жоспарланған үйлердің құрылысы белгіленген мерзімде аяқталатынын қадап айтты. Алдағы қазанның 15-іне дейін коммуникациялық мәселелерді толығымен аяқтау көзделсе, келесі 1-1,5 ай көлемінде ішкі жөндеу жұмыстарын аяқтау жоспарланып отыр. Қала басшысы, нысандар 2010 жылдың І тоқсанында толығымен іске қосылады деп сендірді.
2009 жылдың соңына дейін Астанада іске қосу жоспарланған 95 үйдің құрылысы Үкіметпен мақұлданып, қаржыландырылған сызба шеңберінде төрт бағытта жүзеге асырылуда. Оның бірі - құрылыстары бос пәтерлерді сатып алу (әкімдікпен) арқылы аяқталып жатқан үйлер. Ондай 48 нысанның бүгінгі күні 36-сы қалды. 29 нысан келесі жылы, қалғаны үстіміздегі жылдың соңына дейін аяқталатын болады. Екінші бағыт - үлескерлердің қатысуындағы проблемалы нысандар. «Жаңа құрылыс» ЖШС-ның иелігіне өткізілген 19 үйдің 10-ы жыл соңына дейін іске қосылады деп күтілуде. Үшіншісі - «Самұрық-Қазына» ҰӘҚ» АҚ-ның несиелік ресурстарына салынып жатқан үйлер. Олардың саны - 30, оның 18-і - 2009 жылы, қалған 12-сі келесі жылы тапсырылады. Төртінші бағыт - мемлекеттің көмегін қажет етпейтін салушылар 14 үйдің құрылысын жүргізуде. Оның 11-і үстіміздегі жылы аяқталады.