Қаратал аудандық ауруханасының бас дәрігері Біржан Құмаровтың айтуынша, қазір науқас жан сақтау бөлімінде. Жағдайы өте ауыр. Өкпесіне, миына қан кеткендіктен оған шұғыл түрде операция жасалған. Көлікті тізгіндеген жүргізушінің бауыры жарылып, 6 қабырғасы да сынған. Қазір 1995 жылғы азаматқа арнайы тыныс алу аппараты қосылған. Ал жол көлік оқиғасы кезінде көлік ішінде болған жолаушының жағдайы орташа дейді, дәрігер. 1999 жылғы жігіт бас-ми жарақатын алған. Екі қабырғасы сынған. Қазір екі науқастың жағдайы дәрігерлердің жіті бақылауында.
Естеріңізге сала кетейік, біз бұған дейін көлік жүргізушісінің 6 жылқыны қағып кеткендігі жайлы хабарлаған болатынбыз . Оқиға Үштөбе-Талдықорған тас жолының 26-шы шақырымында, таңғы сағат төрттер шамасында болған.