Мемлекеттік радионың хабарлауынша, рейстік автобус ел ордасы Харера қаласынан Масвинго қаласына бара жатқан жолда қарсы келе жатқан жүк көлігімен соқтығысып қалған. Нәтижесінде автобус бірнеше рет аударылған.
Нақтыланған мәліметтер бойынша, жол-көлік оқиғасының салдарынан 37 адам қаза болған, 29 адам жараланған. Полиция өкілдерінің хабарлауынша, 4 адам ауруханаға бара жатқан жолда көз жұмған.
Зимбабведе жол үстінде кісі өлімі өте жоғары, оған жол инфрақұрылымының нашар жағдайы мен автокөліктердің тым ескілігі себеп. Ағымдағы жылдың наурыз айында елдің Премьер-министрі Цвангираи жол апатына ұшыраған болатын, оның көлігі жүк көлігімен соқтығысып қалған еді.