1,1 млн теңге жалақы: Теңіз кенішіндегі стационарға жұмысқа шақырған ақпарат жалған - ТШО
АТЫРАУ. ҚазАқпарат –Атырауда Теңіз кенішіндегі провизорлық стационарға жұмысқа шақырған жалған ақпарат тарады, деп хабарлайды ҚазАқпарат.
WhatsApp желісінде тараған ақпараттың жалған екенін «Теңізшевройл» ЖШС медициналық қызметінің директоры Боранбай Мәтжанов растады.
Онда 20 дәрігер, 20 медбике және 40 санитар қажеттігі көрсетілген.
«Еңбекақы дәрігерлерге -1 100 000, медбикелерге -950 000, санитарларға -900 000 теңге. Келісімшарт мерзімі –2 ай, одан әрі 14 күн карантин. Жол жүру, тамақтану, жатын орнының шығыны тапсырыс берушінің есебінен», -делінген жалған ақпаратта.
