1 грамм есірткі үшін 140 сағаттық қоғамдық жұмысқа жегілді

АЛМАТЫ. ҚазАқпарат -  Алматыда 1 грамнан астам марихуанамен ұсталған адам 140 сағаттық қоғамдық жұмысқа жегілді, деп хабарлайды ҚазАқпарат.

Жетісу аудандық №2 сотында ҚР ҚК 296-бабы бойынша есірткі заттарын заңсыз сақтаған «С» есімді қала тұрғынына қатысты қылмыстық іс қаралды. Күдіктіні 9 мамыр күні Жетісу аудандық полиция қызметкерлері ұстаған. Тексергенде оның қалтасынан 1,32 грамм марихуана табылған.   

Сотта күдікті өз кінәсін мойындады. Сот Үкімімен ол ҚР ҚК 296-бабы бойынша айыбын өтеу үшін 140 сағаттық қоғамдық жұмысқа жіберілді.