1 қарашада Қазақстанда өтетін маңызды шаралар аңдатпасы

АСТАНА. KAZINFORM - Kazinform халықаралық ақпарат агенттігі 1 қарашада Қазақстанда өтетін маңызды шаралар аңдатпасын ұсынады.

АСТАНА

08:00-де The Ritz Carlton қонақ үйінде қазақстандық жаһандық инвестициялар бойынша дөңгелек үстел өтеді.

10:00-де Л.Н. Гумилев атындағы Еуразия ұлттық университетінде «Қазақ мемлекеттілігі: бастауы, тарихи сабақтастығы және эволюциясы» атты халықаралық ғылыми-теориялық конференция өтеді.

11:30-де ҚР Президенті жанындағы Орталық коммуникациялар қызметінде «Астанада өтетін самбодан әлем чемпионаты» бойынша баспасөз конференциясы өтеді.

14:00-де Қосшы қаласында құқық қорғау органдарының болашағы, Қазақстандағы жаһандық сын-қатерлер мен шешімдер талқыланады.

14:30-да ҚР Парламенті Мәжілісінде «Табиғат пайдалану және экологиялық бақылауды мемлекеттік реттеу мәселелері» тақырыбында дөңгелек үстел өтеді.

15:00-де ҚР Еңбек және халықты әлеуметтік қорғау министрі Светлана Жақыпова «Әлеуметтік-еңбек саласының дамуындағы жаңа үрдістер» тақырыбында БАҚ өкілдерімен бейресми кездесу өткізеді.

16:00-де ҚР Мәдениет және ақпарат министрлігінің қолдауымен Қазақстан Республикасының Ұлттық музейінде Камиль Муллашевтің 80 жылдығына арналған «Уақыт айнасы» атты мерейтойлық жеке көрмесінің ресми ашылуы өтеді.