1 қазан күні Байқоңырдан «Прогресс М-29М» ұшырылады
АСТАНА. ҚазАқпарат - 2015 жылғы қазанда №429 «Прогресс М-29М» көліктік жүк кемесін тіркеген «Союз-У» тасымалдағыш зымыранының ұшырылымы болады. Бұл туралы Қазғарыштың баспасөз қызметінен хабарлады.
Ресей Федерациясының «Жерүсті ғарыштық инфрақұрылым объектілерін пайдалану орталығы» федералдық мемлекеттік унитарлы кәсіпорнының ақпараты бойынша 2015 жылдың 1 қазанында Астана уақыты бойынша 22 сағат 49 минутта «Байқоңыр» ғарыш айлағынан №429 «Прогресс М-29М» көліктік жүк кемесін тіркеген «Союз-У» тасымалдағыш зымыранын ұшыру жоспарланған.
Қазіргі уақытта барлық ұйымдастырушылық-дайындық жұмыстары штаттық режимде жүріп жатыр.
