10 мамырға дейін Үкіметтің қарауына инновацияларды қолдау бойынша ұсыныстар енгізіледі

АСТАНА. 18 сәуір. ҚазАқпарат /Руслан Ғаббасов/ - Бүгін Үкімет отырысында Премьер-Министр Кәрім Мәсімов Үкімет басшысының орынбасары-Индустрия және жаңа технологиялар министрі Әсет Исекешевке инновацияларды қолдау тұрғысындағы ұсыныстарды енгізуді тапсырды.

13 мамырда Алматыдағы Ақпараттық технологиялар паркінің базасында Елбасының төрағалығымен кеңес өтетініне тоқталған К. Мәсімов, «аталған кеңесте Мемлекет басшысына тиісті шешімдерді баяндау үшін және Елбасы оларды қолдаған жағдайда алға жылжу мақсатында 10 мамырға дейін инновацияларды қолдау бойынша ұсыныстар енгізілуі тиіс. Онда қаржылық және салықтық ынталандыру, сондай-ақ венчурлық қаржыландыруды дамыту мәселелері ескерілуі қажет»,-деді Премьер-Министр.