10 мыңнан астам адам Британияда «құл» болып жүр
АСТАНА. ҚазАқпарат - Ұлыбританияда 10-13 мың адам құлдық қамытын киген. Елдің Ішкі істер министрлігінің сараптамасында осындай деректер келтірілген, деп хабарлады ВВС.
Бұл жерде «құлдар» тобына жезөкшелікпен айналысуға мәжбүрленген әйелдер, үй қамақта отырғандар, сонымен қатар қарызға белшесінен батқан адамдар кіреді. «Хоум-кеңсе» өкілдерінің сөзіне қарағанда, жапа шеккендердің қатарында 100-ден астам елдің адамдары бар. Ол негізінен: Албания, Нигерия, Вьетнам және Румыния, сонымен бірге Британияда туған ересектер мен балалар да болуы мүмкін. Өткен жылы Қылмысқа қарсы күрес агенттігі Ұлыбританияда құлдықтан жапа шеккендер саны 2 744 адам деген ақпарат таратқан.
