10 жыл бойы ауыл шаруашылығы министрі болып жүрген алаяқ сотталды
АСТАНА. ҚазАқпарат - Уфаның Калинин аудандық соты 10 жыл бойы фермерлерді өзін ауыл шаруашылығы министрі есебінде таныстырып, алдап келген алаяқ Радик Ахметшинге үкім шығарды.
Ол 2,5 жылға сотталып, жазасын қатаң режімдегі колонияда өткізетін болды, деп мәлім етті Башкирия прокурорының БАҚ-пен байланыс жөніндегі көмекшісі.
Алаяқ белгілі бір схема бойынша айласын асырып келген. Ол алдымен «Өз мамандығының үздігі» және «500 ферма» бағдарламаларына қатысушыларды тауып алып, фермерлерге республика президенті жемісті еңбегі үшін трактор сыйға тартатындығын хабарлайтын болған.
Ал жалған сертификатты берген кезде баж салығын төлеуді сұрайды. «Дәлелденген алаяқтық фактілері бойынша, 2013 жылы оған екі фермер оған 67 мыңнан астам рубль берген.
