100 млн теңгеден астам контрабандалық тауар мемлекет кірісіне айналды — Көлік прокуратурасы

АСТАНА. KAZINFORM – Соңғы жылдары Қазақстанда контрабандаға қарсы күрестің өзектілігі артып отыр, бұған Алматы әуежайындағы кедендік бақылау кезінде анықталған жағдайлар дәлел. Бұл туралы Көлік прокуратурасының баспасөз қызметі мәлім етті. 

Мысалы, пошталық сәлемдемелердің бірінен АҚШ-тан ойыншық түрінде жалған құжаттармен гауһар тастары бар зергерлік бұйымдар табылды. 

Көлік прокуратурасының талап- арызы бойынша Түрксіб аудандық соты тәркіленген жалпы құны 60 млн теңгені құрайтын зергерлік бұйымдарды мемлекет меншігіне өткізді.

Алматы көлік прокуратурасының тағы бір талап-арызы бойынша сот Түркиядан геотекстиль атын жамылып келген жалпы құны 48 млн теңгеден асатын тауарларды мемлекет кірісіне айналдырды.

Контрабанданы анықтау және жолын кесу жұмыстары жалғасып жатыр. 

Бұған дейін хабарланғандай, ІІМ мұнай өнімдері ірі контрабандасының арнасын жойды.