13 тамызда Астанада кейбір көшелердегі қозғалыс ішінара шектеледі
АСТАНА. ҚазАқпарат - Астанада кейбір жолдарда орташа жөндеу жүргізілуіне байланысты ішінара жабылады, деп хабарлады әкімдіктің ресми сайты.
Жөндеу жұмыстары Бөгенбай батыр даңғылы бойынша Сарыарқа даңғылынан Бекетай көшесіне дейін 13-18 тамыз күндері жүргізіледі.
Тәуелсіздік даңғылы бойынша Момышұлы даңғылынан Байтұрсынов көшесіне дейін 13 тамыздан 5 қыркүйекке дейін қозғалыс шектеледі.
Жүргізушілер алдын ала өз жолбағыттарын жоспарлауы тиіс.
