13 жасар Заңғар Нұрланұлы Еуропа рейтингісінде бес ай бойы көш бастап тұр
НҰР-СҰЛТАН. ҚазАқпарат - Қазақстандық Заңғар Нұрланұлы 14 жасқа дейінгілер арасында Еуропа рейтингісінде бес ай бойы көш бастап келеді, деп хабарлайды ҚазАқпарат тілшісі.
Қазақстан теннис федерациясы мәлім еткендей, Tennis Europe ұйымы Монте-Карло қаласында биыл күзде өтетін Junior Masters жарысына орай жаңартылған рейтингті жария етті.
Қазақстандық Заңғар Нұрланұлы 520 ұпаймен бірінші орында тұр.
Дамир Жалғасбай 42-ден 34-орынға жоғарылады. Тағы бір қазақстандық Даниэль Тазабеков 44-сатыға жайғасты.
Қыздар арасында Софья Исакова үздік жүздікке енді. Ева Корышева 560-тан бірден 328-орынға көтерілді.
Еске сала кетейік, бұдан бұрын Елена Рыбакинаның Ролан Гаррос екінші айналымға шыққанын жазған болатынбыз.
Сондай-ақ қазақстандық теннисшілер Ролан Гаррос турнирінде алғашқы кездесулерін сәтті өткізді.
