150 жолаушысы бар мас капитан басқарған кеме Дунайдағы бөгетке соғылды
АСТАНА. ҚазАқпарат - Anesha судносы жексенбіге қараған түні Словакияның оңтүстік бөлігінде Дунай өзеніндегі бөгетке соғылған.
Абырой болғанда, оның бортындағы 150 жолаушының ешқайсысы зардап шеккен жоқ, деп хабарлайды TV Noviny.
Таңертең оқиға орнына елдің көлік министрі Арпад Ерсек барды. Министр келгеннен соң судно капитанының мас болғаны анықталған. Жүрегі сыр берген ол ауруханаға жіберілді.
Бөгетке қайырлап қалған кеме тек таң атқаннан кейін шығарылды. Сүңгуірлер тексерген соң судно Будапештке қарай бағыт алды.
