16-18 қазанда елдің солтүстік, орталық және шығысындағы бірқатар аудандарда соңы қарға ұласатын жаңбыр жауады деп күтілуде - Қазгидромет

АСТАНА. 15 қазан. ҚазАқпарат - ҚР Қоршаған ортаны қорғау министрлігінің «Қазгидромет» РМК болжауынша, 16-18 қазанда елдің солтүстік, орталық және шығысындағы кей аудандарда жауын-шашын түсіп, соңы қарға ұласатын жаңбыр жауады деп күтілуде.

16-17 қазанда Қостанай, 17 қазанда, 18 қазанда түнде Солтүстік Қазақстан, Ақмола, 17-18 қазанда Павлодар, Қарағанды, 18 қазанда Шығыс Қазақстан облыстарында, Алматы облысының таулы аймақтарында жауын-шашын түсіп, соңы қарға ұласатын жаңбыр жауады, кей жерлерде 15-20 м/с жылдамдықпен жел соғып, ауа температурасы түнде 0-8 градусқа дейін, күндіз +2+10 градусқа дейін суытады деп күтілуде.

 18 қазанда Оңтүстік Қазақстан облысында жекелеген жерлерде ауа бағамы 0-3 градусқа дейін төмендейді деп күтілуде.