16 ақпанда ауа райы қандай болады
НҰР-СҰЛТАН. ҚазАқпарат - Синоптиктер 16 ақпан, сәрсенбі күні ауа райы қандай болатынын айтты, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
Қазақстанның басым бөлігі антициклонның ықпалында болады, сондықтан жауын-шашын тоқтап, температуралық фон төмендейді.
Республиканың солтүстік және шығыс жартысы арқылы атмосфералық фронттар қар мен жаяу бұрқасынды сақтай отырып қозғалады.
Елдің кей жерлерінде тұман түсіп, жел күшейеді, елдің оңтүстік-шығысында көктайғақ болады.
Түнде Ақмола облысының батысында тұман түседі, облыстың шығысында жел екпіні - 15-20 м/с.
Алматы облысының таулы аумақтарында және тау бөктерінде тұман, көктайғақ болады.
Түркістан облысының оңтүстігінде, батысында және таулы аудандарында тұман күтіледі, таулы асуларда жел 15-20 м/с күшейеді.
Солтүстік Қазақстан облысының оңтүстігінде тұман, күндіз облыстың солтүстігінде, оңтүстік-батысында, батысында желдің қарқыны - 15-20 м/с . Жаяу бұрқасын соғады.
Түнде Павлодар облысының батысында жаяу бұрқасын көтеріліп, жел екпіні 18 м/с дейін күшейеді.
Қарағанды облысының солтүстігінде, батысында және орталығында тұман түседі. Түнде облыстың шығысында жаяу бұрқасын соғып, желдің күші 18 м/с жетеді.
Шығыс Қазақстан облысының түнде басым бөлігінде, күндіз шығысында бұрқасын соғады. Оңтүстік-батысында жел 15-20 м/с дейін күшейеді.
Жамбыл облысының таулы және тау бөктеріндегі аудандарында тұман түседі, көктайғақ болады. Желдің екпіні - 15-20 м/с.
Атырау облысының солтүстігінде, батысында және орталығында, Маңғыстау, Қызылорда облыстарының солтүстігінде, Ақтөбе облысының батысында, Қостанай облысының солтүстігінде тұман түседі.
