16 қаңтар күні Қазақстанда өтетін маңызды шараларға шолу
АСТАНА
10.00-де Қазақстан Республикасы Парламенті Мәжілісінің жалпы отырысы басталады.
11.00-де Astana Marriott қонақ үйінде Қазақстанның Автобизнес қауымдастығы «ҚР автонарығы: 2018 жылдың қорытындысы, болжамдар мен үдерістер» тақырыбында баспасөз мәслихатын өткізеді.
11.00-де елордалық Оқушылар сарайында БАӘ Қазақстандағы төтенше және өкілетті елшісі Мухаммед Ахмад Әл-Жабирдің қатысуымен қайырымдылық концерті өтеді.
14.45-те Мемлекеттік қызмет істері және сыбайлас жемқорлыққа қарсы іс-қимыл агенттігінде баспасөз мәслихаты өтеді.
15.00-де Қаржы министрлігінде мемлекеттік сатып алу туралы заңнаманың жаңалықтарын түсіндіру мақсатында өңірлік кеңес өтеді.
АЛМАТЫ
9.30-да Dostyk қонақ үйінде Қазақстанның заманауи әдебиетін БҰҰ 6 тіліне аударатын шетелдік аударма ұйымдары мен аудармашылар шығармалары антологияға енген қазақстандық авторлармен кездеседі.
14.30-да «Интерфакс-Қазақстан» агенттігінде «Ұлттық ғылыми фтизиопульмонология орталығы» Қазақстандағы туберкулезге қарсы ұлттық бағдарлама қызметінің нәтижесі туралы баспасөз мәслихатын өткізеді.
15.00-де Ә. Қастеев атындағы Мемлекеттік музейдің Әбілхан Қастеев залында суретшінің 115 жылдығына арналған дөңгелек үстел өтеді.
15.30-да «Алматының бас жоспары» ғылыми-зерттеу институтының мәжіліс залында Алматы қаласы мәслихатының алтыншы шақырылымы кезектен тыс ХLI-сессиясын өткізеді.
17.00-де Chaplin Cinemas кинотеатрлар желісінің полемикалық клубында «Тұлғалық өсу тренингі» көркем фильмінің көрсетілімі өтеді.
АҚТӨБЕ
10:45-те облыстық ауруханада денсаулық сақтау басқармасының 2018 жылғы жұмыс қорытындысы бойынша алқа мәжілісі өтеді.